Kroacia ka dënuar ish kryeministrin Ivo Sanader me nëntë vjet burg pas një procesi gjyqësor prej 2 vitesh.
Po ashtu, do të konfiskohet tërë pasuria e tij dhe e familjes e realizuar me veprat e dënuara. Sanader akuzohej nga autoritetet kroate për dy raste të korrupsionit.
Në dënim do të numërohen edhe koha e kaluar në burgun hetues. Pos parave që janë në llogaritë e tij dhe të gruas, të vajzave të tij dhe të miqve, familjes Sanader do t’ju merren edhe veprat artistike të gjetura në shtëpi.
Ish-Kryeministri kroat kishte ikuar nga Kroacia, por ishte kapur në Austri dhe më vonë ishte arrestuar përsëri në shtetin kroat më 2011.
Në nëntor të vitit 2012 ai ishte dënuar me 10 vjet burg, që më vonë i ishte reduktuar në 3.
