Ministri i Mirëqenies Sociale dhe Rinisë, Blendi Klosi ka dhënë urdhër për pezullimin e dy drejtueseve të të shkollës së mesme profesionale “Petro Sota” në Fier. Vendimi vjen pasi drejtoresha dhe nëndrejtoresha e shkollës “Petro Sota”, u përleshën fizikisht në ambientet e shkollës.
Policia njoftoi se, nëndrejtoresha J.M., 34 vjeçe ka goditur drejtoreshën e kësaj shkolle, K.N., 36 vjeçe për motive të dobëta.
Ndërkohë urdhri i Klosit është për pezullimin e të dy zonjave. Sipas policisë shkak për këtë konflikt ishte bërë një debat i çastit mes dy titullarëve të shkollës gjatë ditës së sotme. Policia ka dërguar për ndjekje penale nëndrejtoreshën e shkollës.
(Boldnews)
