Ministri i Transporteve Edmond Haxhinasto paralajmëron ndërprerjen e kontratës me kompaninë e kontrollit teknik “SGS” për shkak të pakënaqësive nga drejtuesit e automjeve.
Gjatë vizitës në pikën e kontrollit teknik të automjeteve në qytetin e Beratit, Haxhinasto tha se kompania po shkakton radhë të gjata në për qytetarët ndërkohë që ende ka denoncime për korrupsion.
“Kjo kompani duhet të realizojë detyrimet e saj kontraktore ashtu siç shteti respekton detyrimet kontraktore ndaj konçesionarit. “SGS” duhet të respektojë detyrimet për investime dhe standarte më të larta shërbimi. Mos respektimi i detyrimeve të kontratës, do të jetë arsye për rivlerësim të saj”.- u shpreh Haxhinasto.
Shpeshherë kompania “SGS” është vënë në qëndër të akuzave për shkak monopolit që ka krijuar, duke shkaktuar radhë të gjata për drejtuesit e automjeteve.
