Lulet padyshim që i zbukurojnë ditën një femre. E tillë ka qenë edhe kjo e premte për deputeten Arta Dade, e cila mesditën e sotme është fotografuar nga paparaci i Boldnews pranë ambienteve të Kuvendit të Shqipërisë me dy super buqeta me lule, të cilat për nga madhësia padyshim që do të qëndronin në duart e badigardit të politikanes elegante dhe plot sharm të selisë rozë.
Më 15 mars deputetja feston ditëlindjen. Të jenë vallë këto lule një shenjë paraprake urimi?!
Sidoqoftë në mesin e tensioneve brenda dyerve të politikës shqiptare lulet sjellin qetësi dhe gëzim. Batutat me lulet e kanë shoqëruar këtë muaj deputeten Dade. Me rastin e festës së gruas Dade mbajti të njëjtën linjë humori me kryeministrin Rama, për buqetat e luleve që shefi i qeverisë i kishte dhuruar vetëm familjarët e tij.
Batuta e Dades për Ramën në festën e gruas: “Sa për buqetat e mëngjesit, nga një karafil të na e kishe hedhur edhe ne, mirë do bëje”.
Ndërsa Rama iu kthye po me një batutë deputetes: “Deri në Kongres për karafil më ke mua”.
(Boldnews)
