Vitin e kaluar në Zvicër banonin më pak njerëz, pasuria e të cilëve shkonte në mbi 30 milionë franga.
Deri më 2015 numri i multimilionerëve në Zvicër duhet të rritet për 12 për qind. Ky ëshe parashikimi i «The Wealth Report», transmeton Tages Anzeiger. Sipas këtij raporti, si multimilionerë merren ata persona që kanë një pasuri, e cila shkon në mbi 30 milionë dollarë, e që i bie rreth 30 milionë franga. Më 2015, në të gjithë botën numri i multimilionerëve ngeci për 2 për qind, transmeton raporti, citon dialogplus. Ai i referohet numrit të 150’000 multimilionerëve në të gjithë botën. Numri i tyre në Kinë u zvogëlua për 1 për qind, në SHBA për 2 për qind, në Rusi për 5 për qind, kurse në Brazil 12 për qind. Më parë Zyrihu ishte qyteti i dhjetë me numrin e multimilionerëve. Më 2016 këtë vend duhet t’ia lëshojë Gjenevës.
Në të gjithë botën më së shumti multimilionerë ka në Londër, pastaj vjen New Yorku. Edhe pse Gjeneva nuk është më e pasur me multimilionerë, qyteti e zë vendin e pestë në botë për nga shtrnjtësia e banesave luksoze. Multimilionerët u qëndrojnë besnikë vendbanimeve të tyre. Janë pesë faktorë që e pengojnë migrimin e tyre, ndër të tjera kontrollet kufitare dhe kushtet më të rrepta për lehtësime tatimore.
Ndërkaq, deri më 2025, sipas ndërmarrjeve, numri i multimilionerëve në Zvicër pritet që nga 5’680 të shkojë në 6’362. Rritjen më të madhe me multimilionerë në Zvicër pritet ta ketë Gjeneva me 13 për qind. Për rreth dhjetë vite, në të gjithë botën mendohet se do të ketë 263’000 multimilionerë. Momentalisht numri i tyre shkon në 187’000, që i bie një rritje prej 40 për qind. Që përsëri i bie më shumë se te milionerët njëshifrorë.
Numri i këtyre, në rreth dhjetë vjet, do të shkojë në 18 milionë nga 13 milionë sa ka tani. 387’000 milionerë «të thjeshtë», me pasuri milionëshe njëshifrore, do të ketë pas dhjetë vitesh në Zvicër, nga 346’000 sa ka momentalisht. Për sa u përket miliarderëve, numri i tyre në të gjithë botën shkon në 1’900. Për dhjetë vjet ai pritet të rritet në 2’800. Rreth 30 nga këta – sikurse tani – do të jenë në Zvicër.
