Një akt i rëndë ka ndodhur në një shkollë 9-vjeçare të Ostrenit në Bulqizë, ku mësuesi ka rrahur 12 nxënës të klasës së tretë.
Mësohet se mësuesi Adil Muça ka qenë i dehur dhe ka ushtruar dhunë e ka rrahur nxënësit, ku njëri prej tyre u dërgua për mjekim në spital.
Ngjarja ka ndodhur në shkollën ‘Orzhanov’ të Ostrenit dhe është denoncuar nga prindërit e nxënësve.
Mësuesi Adil Muça është pushuar menjëherë nga puna pas njoftimit të marrë dhe në këtë shkollë është dërguar një përfaqësi e Drejtorisë Arsimore të Bulqizës.
