Ish-kryeministri Sali Berisha e ka quajtur “Asamblenë e turpit” Asamblenë e djeshme të Partisë Socialiste, ku disa deputetë socialistë deklaruan se zgjedhin partinë përpara Shqipërisë.
Gjatë fjalës së tij në Parlament, Berisha tha se kjo Qeveri nuk mund të vazhdojë të qëndrojë në pushtet, pasi përbën rrezik kombëtar për vendin. Ish-Kryeministri e krahasoi Edi Ramën me diktatorin Enver Hoxha, por me një ndryshim. Sipas tij, Enver Hoxha bënte zgjedhje në parti 1 herë në 4 vjet, kurse Edi Rama nuk bën fare zgjedhjet brenda partisë.
“Dje pas 3 dekadash, PS doli publikisht me aktin e pavarësisë kombëtare duke e shpallur partinë mbi vendin. Bijtë u kthyen tek etërit në mënyrën më të paimagjinueshme. Një njeri që rreth 1.4 milionë votues shqiptarë i shpall dele ose budallenj. Ju garantoj se atë nuk e lidh asgjë me Shqipërinë. Ai nuk ka asnjë interes tjetër përvec pushtetit të tij personal.
Kundërshtarët e tij janë budallenj dhe dele, janë armiq për t’u zhdukur. Ministri i tij i Jashtëm deklaron në Asamblenë e turpit se Shqipëria dhe partia janë e njëjta gjë për Sul Bushatin, për njeriun që i bëri gjëmën Shkodrës. Firmosi mijëra internime. Për ministrin e Jashtëm të cdo vendi, interesi kombëtar është interesi që udhëheq politikën e jashtme. Deklarata e Asamblesë e bëri tepër të rrezikshëm qëndrimin tuaj në pushtet. Jashtë cdo lloji imagjinate që një politikan mund të deklarojë se e para është partia.
Kjo ishte moto e Enver Hoxhës dhe kjo është moto e Edi Ramës, i cili nuk meriton të jetë kurrë në këtë Parlament. Enver Hoxha e respektonte një automat të votimit cdo 4 vjet dhe dilte me 100%. Edi Rama as këtë nuk e respekton. Ky është një akt stilinist më i turpshëm në historinë e vendit”, u shpreh ish-Kryeministri Sali Berisha.
