Lufti Shabani i arrestuar pak ditë më parë për trafik ndërkombëtar të lëndëve narkotike, rezulton të jetë i dënuar edhe në Itali.
Policia e Durrësit bën me dije se Shabani, i njohur ndryshe edhe si “Ben Çami”, është dënuar me 10 vite burg në shtetin italian, pasi akuzohet për përfshirje në organizata kriminale të trafikut të drogës. Aktualisht, Shabani ndodhet në burgun 313 në Tiranë.
Atij, tashmë i është komunikuar gjatë ditës së djeshme kërkesa e shpalljes në kërkim ndërkombëtar nga Interpoli.
Shabani është arrestuar gjatë një operacioni të zhvilluar nga policia e Korçës në bashkëpunim me policinë e Durrësit, aksion i organizuar më 26 shkurt të këtij viti në pikën e kalimit kufitar të Kapshticës.
Ai tentoi të kalojë 575 kg hashash drejt Greqisë, por që ishte shoferi i kamionit të cilin e “tradhëtoi” frika përballë doganierëve. Boldnews.al zbardhi pak ditë më parë gjithë dinamikën e ngjarjes. http://boldnews.al/2016/03/02/ekskluzive-si-u-zbulua-droga-e-ben-camit/
