Uran Butka ‘hedh poshtë’ historinë: Nga 1943-1945 vetëm luftë civile në Shqipëri

Historiani Uran Butka ka përmbysur historinë me deklaratat e tij bombë por duke publikuar edhe dokumente. Butka e cilëson luftë të pastër civile atë që ndodhi në Shqipëri pas vitit 1943 deri në vitin 1945.

Ai publikon dokumentin që urdhëron shfarosjen e fshatit Starovë në Pogradec. 20 mijë të vrarë në qindra beteja mes partizaneve dhe forcave nacionaliste e balliste, fshatra të tërë të djegur dhe shkatërruar dhe e gjitha kjo e shoqëruar me akte terroriste si vrasje masive dhe atentate. Dhe arsyeja e kësaj lufte është prishja e Marrëveshjes së 2 gushtit 1943 e mbajtur në Mukje në Krujë.

I ftuar ne emisionin “Debati në Channel One” të gazetarit Roland Qafoku, Butka iu referua librit të tij të fundit “Lufta Civile në Shqipëri 1943­1945” dhe për herë të parë publikon proceverbalin e kësaj mbledhje në të cilin përveç vendimit janë shënuar emrat e pjesmarrësve dhe atë që u vendos aty.

Sipas Butktës gjithçka që ka ndodhur më pas në Shqiëpri ishte një luftë e pastër civile të drejtuar dhe urdhëruar nga Enver Hoxha dhe Mehmet Shehu nën drejtimin e jugosllavëve. Butka kritikoi dhe akuzoi rëndë kolegët e tij historianë si Kristo Frashëri, Paskal Milo dhe Xhelal Gjeçovi sipas të cilit janë të indoktrinuar duke shtrembëruar faktet e maskrës komuniste gjatë Luftës së Dytë Botërore në Shqipëri.

Butka kundërshtoi edhe ish-­kreun e PD Sali Berisha i cili pak ditë më parë në emisionin “Debati në Channel One” deklaroi se vlerësonte rolin e Enevr Hoxhës gjatë luftës së Dytë Botërore. Butka iu kundërpërgjigj Berishës me këto fjalë: Berisha gabon shumë shumë rëndë me këtë deklaratë.

“Enver Hoxha ishte një kriminel që vrau dhe urdhëroi vrasjen e shqiptarëve dhe nuk ka asnjë rol në rezistencën gjatë Luftës së Dytë Botërore. Berisha e bën këtë për arsye politike dhe ky është një gabim”­ tha ai. Bukta e shoqëroi këtë deklaratë me një dokument orgjinal sipas të cilit Hoxha urdhëronte shfarosjen e fshatit Starovë në Pogradec dhe një dokument tjetër që raportonte se partizanët e kishin shfarosur këtë fshat nga i cili kishin mbetur pa djegur vetëm 5 shtëpi.

(Boldnews)