Kryeministri Edi Rama e ka nisur ditën e sotme duke dhuruar tre tufa me lule për ditën e gruas, 8 Mars. Duke folur në konventën e gruas për anëtarësimet e reja në PS, Kryeministri u shpreh se një tufë ia dhuroi nënës së tij Anetës, vjehrrës së tij dhe bashkëshortes Linda Rama.
“Sot në mëngjes e nisa ditën duke bërë tre tufa me lule, një për Anetën të cilës, edhe pse djali i ka kaluar të 50-t, i ka rënë një barrë të dëgjojë çfarë nuk thonë. Së dyti një tufë me lule për atë që më bëri gruan, vjehrrën. Buqetën e tretë për gjysmën time më të mirë, që sa më shumë kalon koha më duket sikur aq më e mirë bëhet”, tha Kryeministri Rama.
(Boldnews)
