Pse Boldnews?
Numri i mediave është një tregues i sasisë por jo i cilësisë me të cilën shërbehet një opinion publik. Cilësinë e përcakton gjithmonë raporti që media ka me të vërtetën. Ky është qëllimi, dhe shkaku që bëri bashkë një grup profesionistësh për të bërë një përpjekje modeste në mes të këtij realiteti të mbushur plot me media televizive, gazeta, radio dhe portale online.
Sigurisht do të përpiqemi tu shpëtojmë gabimeve në raportimet tona të përditshme, por nëse punon edhe gabon. Patjetër që do kemi kurajon ti pranojmë gabimet dhe së bashku me sugjerimet e lexuesve të shohim përpara. Në këtë raportim të përditshëm të panumërt që kryejnë me qindra gazetar vihet re se ka një cekje të lehtë të sipërfaqshme të problemeve reale që ka sot shoqëria.
Në Boldnews do të përpiqemi ti hyjmë thellë problemeve duke pasur si etalon qëndror investigimin. Patjetër që nuk do të mungojë as lajmi i përditshëm, sporti dhe as rubrikat e ndryshme të argëtimit të cilat ua bëjnë pak më të lehtë lexuesve tanë ditën. Pavarsia politike është një tjetër qëndrim që Boldnews do ti ofrojë lexuesve të vetë.
Sigurisht që fokusi qëndror do të jetë mbi qeverinë dhe qeverisjen pasi kjo është detyra, deviza dhe misioni i një shtypi të lirë dhe pa komplekse. Kjo nuk do të thotë se opozita dhe aksioni i saj politik do të jetë jashtë vëmendjes sonë. Do të mbajmë qëndrime sipas koncepteve tona mbi opozitarizmin demokracin dhe mirqeverisjen.
Konçensionimi i jetës së vendit, tenderat e fshehtë, vendosja e taksave të padrejta, veprimtaria e administratës publike do jenë në fokusin tonë qëndror. Do të kemi në qendër të veprimtarisë sonë një analizë një investigim se ku shkojnë paratë publike? Si mblidhen taksat dhe si përdoren ato? Rendi, Policia e Shtetit dhe drejtësia do mbeten në fokusin tonë, që edhe pse ka kaq shumë diskutime dhe kakofoni, në fund qytetarët shqiptarë nuk përfitojnë asgjë.
Çdo ditë që kalon njeriu duhet të përpiqet të jetë më i mirë thoshte Niçja. Në çdo ditë do përpiqemi të tejkalojmë vetveten. Raporti me të vërtetën duke u përpjekur të jemi objektiv dhe profesional në punën tonë. Larg ndikimeve të paligjshme korruptive dhe larg çdo militantizmi partiak që po i mer frymën shoqërisë shiptare.
Pa kompromis, me të vërtetën. Kjo është deviza jonë. Shpresojmë që lexuesit të gjejnë veten dhe të na ndihmojnë me denoncimet e tyre në këtë qëllim që i kemi vënë vetes.
