Klubi i FC Nantes, ku që prej fillimit të këtij sezoni aderojnë dy futbollistët e Kombëtares së Shqipërisë, kapiteni Lorik Cana dhe mbrojtësi i krahut Ermir Lenjani, mësohet se është në ndjekje të një tjetër futbollisti me kombësi shqiptare. Sipas asaj që raportojnë mediat italiane, klubi i Ligue 1 në Francë ka vënë në shënjestër futbollistin shqiptaro-finlandez, Përparim Hetemaj që aktivizohet aktualisht me skuadrën e Chievo Verona, në Seria A të Italisë.
Në të vërtetë, sipas raportimeve nga mediat italiane, FC Nantes është vetëm njëri nga dy klubet franceze të interesuara për shërbimet e Hetemajt, teksa mësohet se në ndjekje të futbollistit me kombësi shqiptare është vënë edhe klubi i Montpellier. Konkretisht Hetemaj është nën kontratë me skuadrën italiane të Chievo Verona deri në qershor të vitit 2017, me një karton që vlerësohet në shumën prej 3.8 milionë euro.
Në video dëgjohen edhe ofendime mbi policinë dhe qeverinë… ‘Polici fashiste’, ‘plehra’, ‘kriminela’, ishin vetëm disa nga etiketimet fyese të përdorura nga protestuesit.
