Temp i lartë, shumë raste, por fatkeqësisht asnjë gol. Me barazimin 0:0 ekipi i Pep Guardiola-s arrin të mbajë larg rivalin kryesor, vendin e dytë, Borussia Dortmund. Tre ditë pas rezultatit surprizë 1:2 kundër Mainz, bavarezët i kursejnë vetes një tjetër goditje dhe me një paraqitje të mirë ata ruajnë distancën. “Kanë mbetur edhe nëntë ndeshje, rruga është akoma e gjatë, por e kemi ne në dorë,” tha kapiteni i Bayern Phillipp lahm pas ndeshjes. Trajneri Guardiola, i cili sërish nuk e aktivizoi Mario Gotze-n, thur elozhe për Dortmund: “Vendi i dytë më i mirë i të gjitha kohërave, një ekip i madh.” Edhe trajneri Tuchel pajtohet me rezultatin: “Jam shumë i kënaqur me paraqitjen e ekipit, jam i bindur se jemi në rrugë të mbarë, le të vazhdojmë kështu.”
Në krahasim me ndeshjet e tjera, të dy trajnerët bënë disa ndryshime në formacion, Tuchel aktivizoi gjashtë lojtarë të rinj, teksa Pep pesë lojtarë të rinj në formacion. Të dy ekipet kanë dhënë një paraqitje të një niveli të lartë, duke u munduar të mbanin topin në zotërim dhe ta luanin shpejt, e gjithë kjo në sy të trajnerit të përfaqësueses gjermane. “Një temp tepër i lartë. Të dy ekipet kanë treguar një nivel të alrtë. Kjo është ndeshja më e bukur që kam parë gjatë këtij sezoni në Bundesliga,” shprehet Joachim Low. Megjithëse ekipet kishin shumë raste për të shënuar, mungoi qetësia dhe precesioni para portës. Gjithsesi ishte një nga ndeshjet më spektakolare të sezonit, një reklamë për Bundesliga. / telesport.al
