Nga Jetmir Olldashi
Erion Veliaj ka treguar hap pas hapi se pas zgjedhjes së tij si kryebashkiaku i Tiranës, sjellja e tij në publik ka ardhur duke u trimëruar. Nëse para fushate të gjithë njihnin Erionin që kishte bërë punë të ndryshme për të jetuar dhe mbijetuar në jetë, një “Çun Mamaje tipik”, të cilit e ëma i kishte paguar me pensionin e saj modest edhe dasmën këtij të fundit, tashmë pas uljes në kolltukun e qytetarit të parë të Tiranës vihet re një lloj “gangsterizimi” i tij.
Por çka ndodhur me Erionin në këto 9 muaj?
Ai del dhe gjobit opozitën duke treguar një zell militantizmi partiak që do e kishte zili dhe Gramoz Ruçi, duke falsifikuar dhe firmën e punonjësve të tij. Me tone kërcënuese fyese dhe sjellje tipike të malavitës ai kërcënon tashmë edhe votuesit e tij. Erion Veliaj po dhunon publikisht ndër ekrane disa shoqata qytetarësh krejtësisht të majta të cilat në 21 qershor 2015 e votuan si një prej tyre. Të gjitha organizatat e rreshtuara kundër tij për ndërtimin e parkut tek liqeni janë të majta dhe kryesisht drejt ekstremit të majtë.
Nga kontaktet që kam pasur me këta të rinj nuk besoj se ndonjë prej tyre ka votuar fjala bie për profesor Sazan Gurin në 21 qershor. Ky i fundit një tjetër viktimë e dhunës verbale në një studio televizive nga kryebashkiaku Veliaj. Sidoqoftë të gjithë duhet të jemi të shqetësuar për metamorfozën e kryetarit të bashkisë. Si mund të shndërrohet një çun i cili dikur, skuqej kur fliste dhe luftonte, aq fort për parimet vetëm 10 vjet më parë ndërsa sot duket sikur drejton një bandë vrasësish. Sigurisht të vrasësh protestat në një vend si ky i yni, ku diktatura e proletariatit e ka realizuar më së miri për 50 vjet është po aq e rëndë sa të drejtosh bandat me vrasës të malavitës.
Në fakt të sulmosh verbalisht, dhe të kërcënosh ndër studio televizive me largime nga puna të familjarëve nuk ngjan me një personazh që vjen nga shoqëria civile dhe as nga ndonjë politikan i këtyre 25 viteve. Kryebashkiaku ngjan me ato personazhet partiak të fillim viteve “80 të shekullit të kaluar të cilët u sulën si çakej mbi klanet e Kadri Hazbiut e Mehmet Shehut. Deviza e tij tashmë është “o me mua o kundër meje”.
Erion Veliaj të ngjan me personazhin Mikele Korleone në filmin Kumbari, ku një jurist i edukuar për të mos kryer asnjë krim në jetën e tij u kthye befas në një kriminel të jashtzakonshëm duke asgjësuar deri dhe vllanë e tij.
Edi Rama ka statusin e “babait” të tij, (dhe me siguri Erioni sdo guxonte të ngrinte dorë) por çdo bëj Erioni me vllezërit e tij socialist? Me siguri do të bëjë atë që bëri më vllezërit e tij të shoqërisë civile dhe me ata që e votuan në 21 qershor.
Morali është i thjeshtë kur e dini që një njeri gënjen mos e votoni sepse ai është i aftë të bëjë gjithçka. Dhe Erioni këtë po bën… gjithçka kundër të gjithëve madje edhe kundër të vetëve.
