Policia e Shtetit njofton se është arrestuar një person i cili hiqej si sekser i pedagogëve të Universitetit të Elbasanit.
Sokrat Nika 59 vjeç u ndalua nga efektivat e policisë, pasi dyshohet se kundrejt pagesës prej 10.000 lekë (të reja), i kishte premtuar shtetasit R.D, 20 vjeç, banues në Elbasan, se i njihte pedagogët e Fakultetit Ekonomik në Universitetin “Aleksandër Xhuvani” dhe do t’i merrte provimet.
Materialet i’u kaluan Prokurorisë së Rrethit Gjyqësor Elbasan për veprime të mëtejshme për veprën penale “Ushtrimi i ndikimit të paligjshëm ndaj personave që ushtrojnë funksione publike” parashikuar nga neni 245/1 i Kodit Penal.
Ky është rasti i dytë brenda pak kohëve që arrestohen sekser për provimet në Universitetin Aleksandër Xhuvani në Elbasan. Më herët, 34-vjeçari Oltion Toçi ra në pranga gjatë operacionit “I pandreqshmi” pasi u kërkonte studentëve një pagesë që varionte nga 13.000 deri në 15.000 lekë të reja për çdo provim.
