Gjykata e Durrësit ka vendosur të lërë në burg Gëzim Kajnon, i akuzuar si autori i vrasjes së 30-vjeçarit Asllan Kërtusha në Durrës mbrëmjen e 1 marsit.
Seanca për caktimin e masës së sigurisë u zhvillua mëngjesin e sotëm. Megjithëse në seancë, Kajno nuk ka folur, gjatë deklarimit në polici kishte pranuar krimin, duke deklaruar se nuk ka dashur ta vriste, por gjithçka ka ardhur pas situatës së krijuar.
Një ditë më parë, gjykata vendosi të njëjtën masë edhe ndaj kushëririt të tij, Blendi Kajnos, i akuzuar si bashkëpunëtor në vrasje.
(Boldnews)
