Nënkryetari i grupit parlamentar të Partisë Demokratike, Eduart Halimi, në një prononcim për mediat sot para nisjes së seancës plenare, u shpreh se “Gjykata Kushtetuese e ka thënë qartë, pa anjë ekuivok, se në rast se opozita kërkon që një deputet që ka përfituar fonde publike, duhet të shkojë para gjykatës dhe nuk ka të drejtë askush ta pengojë dhe nëse kryeministri e pengon, atehere bie Kushtetuta dhe ndarja e pushteteve. Edi Rama ka një skenar për ta kundërshtuar vendimin e Gjykatës Kushtetuese, madje e rrëzoi, pasi nuk u pranua që t’i heqje mandati deputetit Rakip Suli dhe ky është një skenar për të krijuar një krizë politike, që nuk është rastisisht, por në momentin që ka ardhur Venecia 2, qe e ka thënë qartë se Byroja Kombëtare e Hetimit nuk mund të jetë byroja e Rilindjes”.
“Tani që Venecia foli qartë, Rama kërkon krizë politike për të zhbërë reformën në drejtësi, për t’i ikur Byrosë Kombëtare të Hetimit. Dhe për të mbrojtur deputetët e tij kërkon krizë politike dhe tension të jashtëzakonshem dhe kjo ka të bëjë me dy çështje, vendimet e Gjykatës Kushtetuese dhe ligjin e dekriminalizimit, pasi nuk u arrit dakortësia që deputëtët me rekorde kriminale të largohen nga parlamenti dhe vendimet e Gjykatës Kushtetuese s’u pranuan”, tha Halimi.
