Njihuni me versionin kone të Edi Ramës
Nëpërmjet të drejtës për të lehur që i ka dhënë Mark Zukenberg një deputeti me emrin Murro të Kuvendit të Shqipërisë, ai ka nisur një sulm frontal së bashku me shokët e tij të rakisë dhe militantët e partisë ndaj Boldnews.
Së pari, duhet të sqarojmë lexuesit për disa gjëra. Publikimi i pasurisë së tij solli këtë reagim të denjë vetëm për ordinerët dhe fajtorët të cilët kanë shumë gjëra për të fshehur dhe zgjidhjen e gjejne duke bërë sulme personale në drejtim të mediave. Është gjuha e Edi ramës se nëse thua diçka kundër meje je armik, je i pabesueshëm, je kazan.
Së dyti, publiku ka të drejtë të dijë dhe t’i njohë plotësisht këta pseudopërfaqësues të popullit të cilët kanë mbajtur poste publike dhe kanë vjedhur shqiptarët duke bërë pasuri të paligjshme. Nuk ka si shpjegohet ndryshe që ka dy kasta në këtë vend, trafikantët dhe politikanët, të cilët janë majmur mirë në emër të lirisë për të bërë biznes. Kjo është motoja e Boldnews. Me të vërtetën pa kompromis.
Së treti, në lajthitjen e tij origjinal, pseudopërfaqësuesi i popullit bën akuza për shitje dhe blerje njerëzish. Kjo është e vërtetë, ai i pandeh të gjithë si vetja, një laro që u është servilosur të gjithë shefave të tij në parti.
Së katërti, ai ka dalë deputet nga një sistem zgjedhor i cili e garanton atë duke qënë në një listë prej së cilës votat e dhëna për partinë nxjerin çdo lloj hajvani deputet. Le ta provojë në një listë një emërore siç e ka provuar shumë herë para vitit 2017.
Së pesti, të gjithë ata që kanë mësyrë redaksinë e Boldnews këto ditë për këtë çështje, kanë qënë të gjithë në një qëndrim, “po ç’meresh me atë gomarin, është budallla fare”.
Së gjashti, stafi i Boldnews nuk futet vrimave si ky miu i gjirizit, i cili kërcënon që t’i dalim përpara. Ka pasur një humor dikur në këtë vend … “Loni, tutje, se na shqeu lepuri” … dhe kjo frazë i referohet sidomos këtij lloj burokrati, politikani apo të korruptuari.
Së shtati, kërcënimet që ai bën nëpërmjet prokurorisë, pra gjuha që përdor është ajo e Edi Ramës dhe mediave të rilindjes, tregon se kemi të bëjmë me një individ të dëshpëruar i cili mund të përdorë edhe prokurorinë. Problemi është që ne nuk kemi frikë as nga hetuesit e diktaturës dhe as nga spiunët e sigurimit të asaj kohe. Për të dyja këto kategori kemi vetëm një veprim, përballjen dhe demaskimin. Sic kemi nxjerrë dosjet e hetuesve famekeq ashtu do nxjerim dhe dosjet e spiunëve të sigurimit të shtetit.
Së teti, ky njeri merret me fisin, me aludime etj. dhe gjen si mburojë fisin dhe mbiemrin e tij. Nuk e vëmë në dyshim fisnikërinë e fisit të Murros, e vetmja gjë që i themi është se në çdo fis del një budalla, dhe ja ku është, i mirë dhe më i bukur budalla se kushdo tjetër.