EKONOMI

Rritja e tarifave vendore tejkalon humbjet nga taksat zero mbi biznesin e vogël

Edhe pse qeveria vitin e kaluar nëpërmjet ndryshimit të kursit fiskal për biznesin e vogël preu burimin kryesor të furnizimit me të ardhura të pushtetit vendor, zhvillimet kanë treguar se buxhetet e bashkive nuk janë ndikuar nga ky fakt.

Ministria e Financave raportoi se gjatë 11 mujorit të ardhurat nga pushteti vendor pësuan një rritje me 28 për qind krahasuar me faktin e të njëjtës periudhë të një viti më parë.

Kjo ishte rritja më e madhe e të ardhurave vendore të paktën që nga viti 2005. Mirëpo ky rentabilitet në të ardhura i dedikohet deformimit të politikes fiskale nga qeveria për vendoret.

Zerimi i tatimit mbi fitimin për bizneset me xhiro deri ne 5 milionë lekë në vit krijoi një deficit të madh në të ardhurat e bashkive. Siç shihet nga ecuria e rezultateve të 11 mujorit të ardhurat nga biznesi i vogël shënuan një rënie me 70 për qind.

Teksa shihet se të ardhurat nga tarifat vendore u rriten po me 70 për qind. Të ardhurat që bashkitë në vend ka marrë nga taksat lokale, ai ato të pastrimit, arsimit, tabelave etj kanë tejkaluar të paktën me 30 për qind të ardhurat që merreshin nga biznesi i vogël.

Bashkitë në të gjithë vendin sidomos Bashkia e Tiranës shumëfishoi tarifat e shërbimeve në fillim të vitit që shkoi në përpjekje për të mbuluar humbjet që vinin nga heqja e tatimit mbi biznesin e vogël.

Ekspertet e ekonomisë duke komentuar këtë situatë kanë pohuar se shpesh tarifat kalojnë logjiken që kanë. Ato vihen për të përballuar koston e shërbimeve, por në rastin konkret bashkitë jo vetëm që kanë mbuluar kostot e shërbimeve me të ardhurat nga tarifa, por po bëjnë edhe me investime me këto të ardhura.

Taksa e re për arsimin u aplikua këtë vit për herë të parë nga Bashkia e Tiranës vitin e kaluar. Për familjarët kjo taksë është 1800 lekë në vit, ndërsa për bizneset varion nga 4,000 -37,000 lekë në vit, ndërsa u dyfishuan tarifat e pastrimit dhe u rritën disa herë tarifat e zënies së hapësirës.

Të ardhurat e pushtetit vendor nga tarifat janë rritur jashtëzakonisht shpejt dhe pothuajse janë dyfishuar që prej vitit 2005, duke përbërë më shumë se 45% të të gjithë të ardhurave të veta në vitin 2013. Ndërsa pritet që kjo peshë të kalojë me 80% peshën e të ardhurave të bashkive me heqjen e taksës së biznesit të vogël. Pothuajse të gjitha bashkinë kanë aplikuar rritje të tarifave të këtë vit.

te ardhurat vendore

 

ecuria e te ardhurave vendore

Click to comment

Leave a Reply

Your email address will not be published. Required fields are marked *

Te Fundit

To Top