Leku ka nisur një cikël të lehtë mbiçmimi ndaj euros dhe dollarit qysh në muajin prill, por me ardhjen e verës ky mbiçmim po ecën me hapa më të shpejtë këtë vit.
Sezoni turistik veror ka sjellë rritje të ofertës valutore në treg, duke reflektuar nënçmim të monedhave kryesore të huaja, në raport me lekun.
Sipas kursit zyrtar të Bankës së Shqipërisë, euroja këmbehet këtë të hënë të javës së fundit të muajit qershor me 122.86 lekë, ose 0.33 lekë më pak se në fundjavë.
Ndërsa monedha e gjelbër amerikane u nënçmua sot me 0.03 lekë dhe këmbehet me 119.38 lekë.
Paundi britanik dhe franga zvicerane, këmbehen me lekun respektivisht në vlerat 138.70 lekë dhe 117.73 lekë.
Monedha britanike është nënçmuar me 0.51 lekë dhe franga zvicerane zbriti me 0.41 lekë.
