Këngëtarja meksikane Yrma Lydia u qëllua për vdekje nga bashkëshorti i saj në një restorant në Mexico City. 21-vjeçarja u qëllua të enjten mbrëma nga partneri i saj 79-vjeçar, Jesus Hernandez Alcocer.
Dëshmitarët kanë thënë se pas një debati, një burrë ka qëlluar këngëtaren, e cila më pas rezultoi se ishte bashkëshortja e tij. Gjithashtu thuhet se Alcocer u përpoq që të korruptonte policinë për ta lënë që të arratisej së bashku me rojën e tij të sigurisë, por u arrestuan që të dy.
Sipas gazetës “El Universal”, Alcocer ishte akuzuar më parë për zhvatje.
