Futbollisti i Apolonisë, Denis Duda, i ka befasuar të gjithë me vendimin e marrë, teka ka hequr dorë nga futbolli i luajtur në moshën 26-vjeçare, duke “varur këpucët në gozhdë”.
Duda në 5 sezonet e fundit ishte pjesë e Apolonisë, nga ku zyrtarizoi “divorcin” me futbollin e luajtur. Ky vendim erdhi për shkak të një dëmtimi në gju të pësuar disa sezone më parë.
Problemi në gju nuk u zhduk dhe futbollisti do të duhej të operohej përsëri, aq sa aiproblem u bë kronik. Futbollisti nuk arriti të shpaloste të gjithë potencialin e tij.
Madje në sezonin që sapo u mbyll, edhe pse ishte regjistruar si futbollist, Duka ka bërë edhe rolin e asistentit të trajnerit Kanarsa. Vlen të thkesohet se Duda më parë në elitën e futbollit shqiptar ka luajtur edhe me Flamurtarin në sezonin 2014-2015.
