Kreu i FRPD, Belind Këlliçi, tha sot se të rinjtë demokratë janë të vendosur për të vijuar rezistencën deri në garantimin e zgjedhjeve të lira dhe të ndershme.
“Të rinjtë brohorasin gjatë gjithë kohës qeveri teknike. Ne nuk lëvizim, të gjithë qytetarët jo vetëm të rinjtë janë të vendosur për të qëndruar për një kauzë të madhe për gjithë Shqipërinë, zgjedhje të lira dhe të ndershme.
Jemi më të vendosur se kurrë për të qëndruar këtu ne shesh para zyrës së këtij Kryeministri dhe për të bërë të mundur që ta dëgjojë këtu në shesh zërin e qytetarëve që kërkojnë në 2017 zgjedhje të lira dhe të ndershme. Kjo është një kauzë e të gjithë shqiptarëve. Është një betejë që po e bëjmë për gjithë shqiptarët me të gjithë shqiptarët”, tha ai.
