General Motors dhe grupi PSA kanë caktuar vlerën e njësisë së “OPEL” të General Motors në 2 miliardë dollarë, në një kohë që të dy kompanitë i afrohen marrëveshjes. Të dyja palët, shkruan Scan, presin që marrëveshja të arrihet brenda javës së ardhshme.
Nga kjo shumë, vetëm 1 miliard do të paguheshin “CASH”, ndërsa gjysma e parave do të paguhej në mënyra të tjera. Qëllimi kryesor është që, PSA që njihet gjerësisht për prodhimin e Peugeot dhe Citroen të blejë Opel brenda të Enjtes së javës së ardhshme, kur Peugeot-Citroen raportojnë fitimet vjetore.
Gjatë sesionit të së Premtes, PSA zhbëri humbjet, duke e mbyllur sesionin në një rritje prej vetëm 0.2%. Vlera në treg e PSA fiksohet në 16 miliardë euro.
Aksionet e General Motors, ndërkohë, u rritën me 0.7%. Marrëveshja do të çonte në krijimin e prodhuesit të dytë më të madh të makinave në Europë.
