Nga dita e sotme, maturantët mund të njihen me rezultatin e testimit të Gjuhës së Huaj.
Në faqen online të Qendrës së Shërbimeve Arsimore (QSHA), maturantët mund të njohën me notën marrë në provim.
Ndryshe nga vitet e tjera, ka qenë ministrja e Arsimit Evis Kushi që duket se ka dashur të marrë protagonizmin duke postuar linkun (kliko këtu) ku janë të pasqyruara rezultatet.
“I prita me padurim rezultatet e para të maturantëve tanë në provimin e gjuhës së huaj të Maturës Shtetërore dhe gëzohem që një pjesë e mirë e tyre kanë shkëlqyer me nota maksimale. Jam optimiste edhe për provimet e tjera dhe ju uroj shumë suksese të gjithëve”, shkruaj ajo në një postim në FB.
Deri tani, maturantët kanë zhvilluar provimin e Gjuhës së huaj, Gjuhë-Letërsisë dhe Matematikës. Maturantët kanë për të zhvilluar dhe testin e lëndëve me zgjedhjeve.
Edhe këtë vit, ashtu siç ndodh rëndom, pati publikim të tezave të provimeve të zhvilluara deri më tani, teksa maturantët ndodheshin në klasat e testimit.
