Një grabitje e armatosur ka ndodhur mbrëmjen e sotme në Tiranë. Një person ka hyrë me armë në dorë në një market në zonën e Alliasit.
Ai ka kërcënuar me armë arkëtaren duke i kërkuar t’i japë të gjitha paratë. Autori, i cili ka qenë i maskuar, është larguar me xhiron ditore me vete.
Pas njoftimi, policia e mbërritur në vendngjarje është organizuar me patrulla për të mundësuar kapjen e autorit. Në vendngjarje grupi hetimor punon për sqarimin e rrethanave te ngjarjes. Gjithashtu janë ngritur pika kontrolli nga ana e policisë dhe vijon kontrolli i zonës përreth për kapjen e autorit.
Identiteti i tij ende nuk dihet, ndërsa arkëtarja ka dhënë një përshkrim të tij para efektivëve. Ai ishte i veshur me te zeza dhe me kapuç dhe mbante në dorë një armë tip pistoletë.
