Qeveria izraelite po planifikon të shpërndajë parlamentin, duke i hapur rrugën zgjedhjeve të parakohshme, njoftoi sot në mbrëmje kryeministri, Naftali Bennett.
Qeveria do t’i bëjë thirrje Knesset-it (parlamenti njëdhomësh i Izraelit dhe autoriteti suprem i shtetit) të votojë projektligjin javën e ardhshme.
Ministri i Jashtëm, Yair Lapid do të marrë detyrën e kryeministrit në detyrë derisa të betohet një qeveri e re.
Sipas raporteve, zgjedhjet mund të mbahen në fund të tetorit. Ky do të ishte votimi i pestë në tre vjet e gjysmë. Koalicioni i Bennett, në detyrë për një vit, ka luftuar për disa kohë.
Koalicioni i tij prej tetë partish humbi shumicën duke fituar vetëm 61 nga 120 vende në prill, kur një ligjvënës dha dorëheqjen.
Një javë më parë, një tjetër anëtar i “Partisë Yamina” ultra të djathtë të Bennett njoftoi se po largohej nga koalicioni.
Opozita, e udhëhequr nga ish-kryeministri Benjamin Netanyahu, i ka bërë thirrje Bennett të japë dorëheqjen.
Qeveria e Bennett erdhi në pushtet në qershor të vitit të kaluar, duke i dhënë fund një krize politike në Izrael që pati katër zgjedhje në dy vjet.
