Alketa Vejsiu dhe Arilena Ara i prishën marrëdhëniet me njëra-tjetrën që pas fitores së këngëtares në “Festivalin e Këngës”, në vitin 2019. Asokohe Alketa përmes një story në Instagram mbështeste Elvana Gjatën duke u shprehur se e meritonte fitoren. Pas asaj deklarate Arilena e hoqi nga ndjekësit e saj në Instagram Alketa Vejsiun dhe të njëjtën gjë bëri edhe moderatorja.
Së fundmi, ka ardhur një ndjesë nga ana e moderatores. Alketa ka postuar një video të vjetër në Instagram ku shfaqet duke përqafuar Arilenën në kohën kur ajo konkurronte në “X Factor”. Moderatorja i kërkon falje këngëtares dhe shkruan se mezi po pret të bëhen sërish bashkë.
“Ky perqafimi vlen sa 1000 fjale. Më fal Sorry Arilena. Të dua. Mezi pres gjërat e bukura që do bëjmë bashkë”, shkruan Alketa.
Sipas “Kryefjala.com” Alketa Vejsiu dhe Vera Grabocka i kanë propozuar Arilenës që të jetë një nga anëtaret e jurisë së “X Factor” që do të rikthehet këtë vit.
View this post on Instagram
