Dy prej figurave femërore më të rëndësishme kanë munguar sot në protestën e PD.
Bëhet fjalë për deputetet Jozefina Topalli dhe Majlinda Bregu, të cilat nuk kanë mundur t’i bashkohen sot kolegëve të tyre dhe qindra mijëra protestuesve.
Ish kryetarja e kuvendit ka sqaruar se ndodhet në një aktivitet të NATO-s në Bruksel dhe mbështet mitingun e sotëm si dhe protestuesit.
Edhe Majlinda Bregu nuk ka qenë sot në Shqipëri. Ajo ndodhet për takime pune në SHBA.
“Por jam e kënaqur që kjo ishte protesta më e madhe e këtyre viteve dhe po aq e bindur se nuk ka çështje më të rëndësishme se sa rikthimi i demokracisë në vend, përmes zgjedhjeve të lira e të ndershme, luftës kundër krimit dhe korrupsionit, hapjes rrugë të zbatimit të ligjit dhe rikthimit të besimit tek politika e ndershme dhe jo e pazareve”, – ka deklaruar Bregu për “Balkanweb”.
