Rënia e Dinamos nga kategoria është shoqëruar me ndryshimin e projektit. Klubi vazhdon të largojë futbollistët e afruar me bujë gjatë sezonit të kaluar, për të synuar ngritjen me emra të rinj dhe më pak të kushtueshëm.
Blutë njoftuan prishjen e kontratës me 4 lojtarë, ku më i rëndësishmi është kapiteni Agim Ibraimi. Mes të larguarve të tjerë janë mbrojtësit Sofranac, Siljanovski dhe Isaevski.
Më parë, nga ekipi ishin larguar tre talentët Harizaj, Mihana e Haxhiu, të cilët u kthyen te Apolonia pas huazimit në kryeqytet.
