“Sunny Hill Festival”, prej vitesh i organizuar në Kosovë, u anulua për shkak të vonesave në dhënien e pronës për shfrytëzim në Bërnicë. Në këtë situatë, Tirana do të jetë mikëpritsja e këtij eventi të rëndësishëm.
Në një intervistë për T7, Shapat Begolli, anëtar i ekipit administrativ të festivalit ka bërë me dije ku do të vendoset skena e madhe e “Sunny Hill”. Ai tregoi se festivali do të zhvillohet në parkun pranë liqenit artificial. Organizatori Begolli ndër të tjera tregoi se ai është vendi i përshtatshëm dhe bashkia e Tiranës është zotuar që të marrë masat që festivali të mbahet aty.
“Është park, mirëpo atje është shumë më i madh sesa Gërmia. Si është kryer edicioni i vitit 2019, ne kemi kërkuar hapësirë të përshtatshme sepse festivali po rritej. Po të mbahej sot, Gërmia nuk do të na zinte”, tha Begolli.
