Gazment Paja ose ndryshe për ata që e njohin nga afër gaztori i Edi Ramës dhe Pandeli Majkos ka dalë në një studio televizive ku ka ofenduar gazetaret e kulturës.
Si artist dhe aq më tepër si aktor i shfaqjeve teatrale në vend, Gaz Paja shpesh tregon një etikë vulgare së pari të komunikimit e më pas asaj njerëzore. E së fundmi këtë gjë e ka treguar ndaj një gazetareje të kulturës, e cila ishte duke ndjekur aktivitetin e shfaqjes teatrale ku ky “pseudoaktor” do të luante në Tetarin Eksperimental “Kujtim Spahivogli”.
“Këto gazetaruce nuk po e bëjnë siç duhet punën e tyre, ndaj ndodhin keqkuptimet”. Kështu është shprehur ai i ftuar në “Pasdite në Top Channel” teksa u mundua të sqaronte publikun për sjelljen e tij vulgare dhe fjalorin denigrues ndaj një femre që në këtë rast po bënte punën e saj. E aq më tepër në një mision (për t`i nxjerrë aktorët nga strofulla e tyre dhe të pajisen me forcën e publikut) që Gaz Paja vështirë ta kuptojë.
E janë këto gazetarë që artistë mediokër si Gaz Paja i quajnë “pise” por që vetëm nëpërmjet tyre munden të jenë në një publik më të gjerë, ku ky I fundit për artistin është fryma e duartrokitjeve kryesore të pasionit të tij.
Gjatë bisedës në studio përballë gazetares Jonida Shehu, aktori nuk mund të mos përmendte edhe idhullin e tij kryeministrin Edi Rama. Dhe duke parë që ai e dashuron çmendurinë e kryeministrin mund të justifikohet dhe sjellja vulgare e tij me gazetaren.
Ja si u shpreh Gaz Paja për Edi Ramës, edhe pse nuk e pranoi që është pjesë e ndonjë force politike:
“Është i çmendur dhe mua më pëlqen çmenduria e tij. Një i çmendur i tillë mund të rregullojë gjithë lleqet që kanë ndodh në Shqipëri”, tha aktori i “Portokallisë” Gaz Paja.
Madje Gaz Paja arriti deri aty sa tha se duhet bërë një pastrim total nga gazetarucët që vetëm se kanë miqësi me shefat e tyre kanë atë vend që kanë.
“Është për të ardhur keq, pasi arti në botë është edukim, por kjo tek ne nuk mund të bëhet me ca portale palaco dhe me ca gazetaruce pise që dizinformojnë publikun”, tha aktori.
“Unë kërkova që ajo vajza të mos bënte më pyetje, se ajo ishte e palexuar që në rastin konkret ishin vetëm dy faqe formati. U ndjeva i ofenduar që u përbalt ashtu puna ime, ndaj kërkova të pyeste dikush tjetër, se nuk kisha me ç’të diskutoja me atë gazetare,” tregoi Gazi në studion e “Pasdite në Top Channel”.
Më tej, Gazi shtoi “Alma, thoshte në shkrimin e saj si argument që ajo gazetare me të cilën u përplasa, është nënë e dy fëmijëve. Ajo në fakt gocë dukej, t’i ketë me jetë dy fëmijët, por i them Almës se ky është një argument idiot moj Alma”.
“Tani, kam vendosur që kur të bëj intervista do t’i pyes gazetarët sa fëmijë kanë. Po kanë dy do t’u them, nuk bëj intervistë me ty. Po ka një, do të përpiqem, ndërsa beqaret do t’i grij fare”, tha Paja.
I pyetur nga gazetarja Jonida Shehu në lidhje me miqësitë që ka me kryeministrin Rama dhe kryebashkiakun Veliaj, Gaz Paja u përgjigj se nuk është i angazhuar në asnjë forcë politike. Pjesëmarrja e tij në FRESH ishte një ftesë nga PS-ja si trajner estetik. “Roli im nuk ishte t’i trajnoja politikisht, pasi nuk di, por nga ana estetike, si të sillen, si të flasin, si të qëndrojnë e si të vishen”.
Po miqësinë që keni me Ramën?- e pyeti moderatorja Shehu. “Kryeministri para se të jetë kryeministër është artist dhe sigurisht që unë do të kem miqësi me një artist. Të lexohet si të dojë kjo foto e imja me Ramën, – tha Paja, – mua ai burri më pëlqen.
“Ai po punon, nëse devijon do të marrë atë që meriton, por shpresoj që kjo të mos ndodh. Njerëzit që punojnë unë do t’i mbështes”, shtoi aktori, raporton Top Channel.
