Xhaxhai i 29 vjeçarit Sherif Mukaj trupi i të cilit u gjet i dekompozuar më 11 qershor në vendin e quajtur “Hau i Kreshovës”, në malin Gramoz, i kërkon policisë të zbulojë autorët e këtij krimi të rëndë.
“Isha deri dje vonë në Korçë në policia. Më thanë që nipin e kanë vrarë”, thotë ai për mediat.
Artur Mukaj mohon që nipi i tij të ketë lidhje me drogë apo aktivitete të tjera të jashtëligjshme.
“Nuk ishte djalë që të ngatërrohej me punë të pisëta. Ai ishte i mbyllur, nuk hapej me njeri, ishte shumë i qetë dhe skishte nevojë të merrej me drogë sepse i dërgonte babai lek nga Amerika. Në qershor i dërgoi babai 5000$, merrte pensionin e babait 200 mijë në muaj, dhe në tetor para së të humbte kontaktet i sollën 700$, vijon dëshminë e tij xhaxhai.
“Nuk kam asnjë njeri që mund të dyshoj në lidhje me vrasjen, dua që policia ta zbardhë sa më shpejt ngjarjen. Të gjejë njerëzit që e futën në këtë mesele dhe që e vranë. Nuk jemi në gjendje të flasim sepse na ka shokuar shumë kjo që ka ndodhur”, tha në tej Artur Mukaj në një lidhje telefonike me “Ora News”.
Policia e Korçës deklaroi sotse 29 vjeçari është vrarë me plumb në kokë.
