Mariglen Haka, i cili i shpëtoi atentatit të ndodhur më 26 shtator të vitit 2019, ngjarje në të cilën iu vra halla, ka mbetur i plagosur.
Ngjarja e rëndë ka ndodhur mesditën e sotme në Fushë Krujë, ende nuk dihen rrethanat.
Ai u qëllua nga tre armë të ndryshme dhe në vendin e ngjarjes u gjetën plot 85 plumba.
Haka njihet si anëtar i bandës së Niklës.
Haka ka qenë duke lëvizur me makine dhe dyshohet se është qëlluar me pistoletë, duke marrë një plumb në nofull nga një person ende i paidentifikuar, i cili po lëvizte në këmbë dhe ka humbur gjurmët pasi ka qëlluar.
Policia e Krujës/ Informacion paraprak
Në Nikël, Krujë, në rrethana ende të paqarta, është plagosur me armë zjarri shtetasi M. H., i cili është transportuar për në Spitalin e Traumës, Tiranë, për ndihmë mjekësore dhe për momentin ndodhet jashtë rrezikut për jetën.
Menjëherë në vendngjarje kanë shkuar shërbimet e Policisë dhe po vijon krehja e zonës, me qëllim kapjen e autorit.
Grupi hetimor, nën drejtimin e Prokurorise së Rrethit Gjyqësor Krujë, po vijon punën për sqarimin e rrethanave të ngjarjes, si dhe identifikimin e kapjen e autorit.
Krujë/Informacion paraprak
Në Nikël, Krujë, në rrethana ende të paqarta, është plagosur me armë zjarri shtetasi M. H., i cili është transportuar për në Spitalin e Traumës, Tiranë, për ndihmë mjekësore dhe për momentin ndodhet jashtë rrezikut për jetën.
Menjëherë në vendngjarje kanë shkuar shërbimet e Policisë dhe po vijon krehja e zonës, me qëllim kapjen e autorit.
Grupi hetimor, nën drejtimin e Prokurorisë së Rrethit Gjyqësor Krujë, po vijon punën për sqarimin e rrethanave të ngjarjes, si dhe identifikimin e kapjen e autorit.
***
Ngjarja e ndodhur në shtator 2019
I riu 28-vjeçar është qëlluar nga tre armë të ndryshme dhe në vendin e ngjarjes janë gjendur plot 85 plumba. Nga hetimet e deritanishme policia dhe prokuroria ka dalë në përfundimin se personat që kanë qëlluar drejt Hakës kanë qenë vrasës me pagesë.
Policia nuk ka asnjë të ndaluar për atentatin e tipit mafioz në drejtim të Mariglen Hakës, të ndodhur mbrëmjen e 21 Shtatorit 2019 në Nikël të Fushë-Krujës. Pas ngjarjes u shoqëruan në komisariat mbi 20 persona, të cilët u lanë të lirë pas marrjes në pyetje.
Organizatorët e atentatit, dyshohen se kanë pasur informatorin e tyre për të hyrë në brendësi të fshatit Zezë. Madje banorët kanë deklaruar në polici se, pak para se të ndodhte plagosja e 28-vjeçarit Haka pranë urës ishin parë disa lëvizje automjetesh e njerëz të panjohur.
Dyshimet janë që autorët e atentatit janë vrasës me pagesë. Ata e njihnin mirë terrenin pasi, nuk janë larguar nga rrugë kryesore automobilistike që lidh Niklën me Krujën por, kanë zgjedhur rrugën dytësore të fshatit Zezë, duke humbur edhe gjurmët.
Atentati i mori jetën hallës së Mariglen Hakës, shtetases Shpresa Basha. Haka dhe Basha janë gjendur përballë tre grykave zjarri, ku autorët e këtij krimi të rëndë të ndodhur në derë të shtëpisë kanë lëshuar plot 85 plumba kallashnikovi.
Arrestimi për vrasje në vitin 2011
Marklen Haka u arrestua për herë të parë më 29 qershor të vitit 2011, i dyshuar nga Prokuroria e Tiranës si autori i vrasjes së biznesmenit Nadien Zeneli, mbrëmjen e 13 qershorit të po atij viti, në një nga baret tek ish-Blloku në kryeqytet.
I shoqëruar pas ngjarjes, i arrestuari Marklen Haka ka mohuar vrasjen dhe ka pohuar se nuk ka qenë në Tiranë ditën e ngjarjes.
“Më ka marrë Policia më datë 14 qershor. I thanë nja dy vajzave aty: ‘A është ky ai personi?’. Ato thanë: ‘Jo, se ai (autori) kishte mjekër’. Tani s’e di unë, jam dakord me çfarë tha avokati dhe nuk kam gjë për të shtuar”, u shpreh Haka gjatë seancës shumë vite më parë.
Megjithatë, Haka u la i lirë pas disa muajsh, pasi nuk u arrit t’i faktohej vepra penale, për të cilën ishte arrestuar.
