Kreu i Partisë Republikane, Fatmir Mediu, akuzoi sot nga foltorja e Kuvendit, kryeministrin Edi Rama se po shpërndan, për vota në kurriz të pronarëve të ligjshëm, tapi si Enver Hoxha.
“E ardhmja jonë kombëtare dhe e ardhmja e Shqipërisë ka dhjetra sfida dhe probleme. Problemi më i madh është këtu në qeverisjen e vendit, që nisi si një koalicion pazari. Kjo qeveri përpiqet të mohojë me arrogancë të pashoqe problemet e këtij vendi.
Kryeministri ynë si Enver Hoxha shpërndan tapi kur Gjykata e Strasburgut më shumë se një herë ka vlerësuar të drejtat e pronarëve shqiptarë dhe i ka bërë thirrje edhe dje se prona vlerësohet sipas vlerës së tregut dhe jo qejfit të qeverisë dhe të gjithë këto rëndojnë mbi ekonominë tonë duke e çuar në varfëri gjithnjë e më të madhe.
Nuk e dimë nëse ka qeveri në Tiranë se kjo qeveri është gjithmonë në shëtitje: Njëhërë jashtë vendit dhe njëherë nëpër Shqipëri duke dhuruar ndonjë qingj e ndonjë lopë si në kohën e kooperativave”, tha Mediu.
