Naim Bajri u vra dhe Astrit Zeneli u plagos në një atentat të ndodhur mëngjesin e kësaj të Premteje në Shkodrës.
Policia saktëson saktësojnë se krimi ka ndodhur rreth orës 07:20, në vendin e quajtur “Merkata e Rusit”, në lagjen “Partizani”.
“Në rrethana ende të paqarta, është vrarë me armë zjarri Naim Bajri, 68 vjeç, banues në fshatin Dobraç, dhe ka mbetur i plagosur lehtë, jashtë rrezikut për jetën, Astrit Zeneli, 58 vjeç, banues po në fshatin Dobraç”, njofton policia.
Gjithashtu në livadh, në lagjen “Guerrile”, është gjetur i djegur një mjet që dyshohet të jetë përdorur nga autorët, shtuan të njëjtat burime.
“Janë ngritur pika kontrolli dhe po vijon krehja e zonës nga Policia vendore dhe FNSH Shkodër, si dhe janë nisur në drejtim të Shkodrës, grupe të RENEA-s. Grupi hetimor, nën drejtimin e Prokurorisë, po vijon punën për zbardhjen dhe sqarimin e plotë të rrethanave të ngjarjes, identifikimin dhe kapjen e autorëve”, mbyllet njoftimi i bluve.
Viktima po pinte kafe
Raportohet se viktima i cili ishte tregtar peshku ishte pirë kafe me punonjësin e tij, i cili mbeti i plagosur.
Ndaj tyre, sipas një rindërtimi paraprak të ngjarjes, është qëlluar nga një automjet, që më pas është larguar me shpejtësi nga vendngjarja.
E njëjta makinë, siç konfirmon policia në njoftimin zyrtar, dyshohet të jetë djegur në lagjen “Guerrile”.
Vrasja dy dekada më parë
21 vite më parë, viktimës së atentatit të sotëm në Shkodër i kanë vrarë të birin.
Më 21 tetor të vitit 2001, Ilmir Hajdari, së bashku me Xhabir Shegajn dhe Kujtim Barbullushin u akuzuan se ekzekutuan Indrit Bajrin me armë automatike.
Vetë Shegaj u ekzekutua me snajper në vitin 2015, një ngjarje që dyshohet se erdhi si hakmarrje për vrasjen e Indrit Bajrit.
Në atë kohë (vrasja në vitin 2001), policia bëri me dije se Ilmir Hajdari kishte debatuar me Indrit Bajrin e në grindje e sipër kishin kërcënuar njëri-tjetrin e ishin ndarë të acaruar. Më pas ishin ndeshur në rrugë (Hajdari, Shegaj e Barbullushi të cilë lëviznin me makinë) dhe mes palëve kishte patur shkëmbim zjarri që i kishte marrë jetën Indrit Bajrin.
Hajdari është dënuar me 16 vite burg për vrasjen e Bajrit. Ai u arrestua në vitin 2009, por pas rreth 5 vitesh është liruar. Hajdari e ka mohuar përfshirjen në krim.
