Një trafikant droge që është arrestuar dje në Vlorë do të ekstradohet në Itali, për t’u gjykuar dhe dënuar nga drejtësia e vendit fqinjë.
Sipas policisë Elton Guri Çobo, 42 vjeç, banues në Vlorë, me arsim 12 klasë është dënuar nga autoritetet gjyqësore Italiane është dënuar me 9 vjet burg për veprën penale “Trafikimi narkotikëve” kryer në bashkëpunim.
Çobo ishte pjesë e grupit kriminal të drejtuar nga 42-vjeçari Emanuele Macchia, grup që u zbulua në kuadrin e operacionit “Black and White” të Policisë italiane. Operacioni synoi shkatërrimin e linjës së drogës përgjatë aksit Brindizi – Shqipëri.
