Nikoll Lesi, botues i gazetës Koha Jonë, në një video-editorial, paralajmëron se Ina Rama dhe Majlinda Bregu mund të jenë kandidate për Presidente.
Lesi shprehet se Edi Rama ka shansin që për herë të parë në krye të shtetit të emërohet një grua në postin e Presidentit.
Në video-editorial thuhet se opozita e humbi shansin për të propozuar një kandidaturë për Presidente të Republikës, ndërsa thekson se ditën e shtunë në krye të Shtetit do të zgjidhet Ina Rama ose Majlinda Bregu, kjo edhe sipas perceptimit të opinionit publik.
“Presidenti i ri do të zgjidhet ditën e shtunë pasdite, kështu ka vendosur mazhoranca socialiste. Shqipëria ka nevojë për një presidente femër, jo për nur e bukuri, por që ka dhënë prova në drejtimin e institucioneve”, thuhet në video-editorial.
