Anna Gjebrea, e ftuar në “Ftesë në 5”, ka folur më shumë për lidhjen e saj me muzikën dhe të atin, Ardit Gjebrean.
Ajo ka realizuar disa projekte muzikore dhe duket se po ecën në hapat e të atit. Anna foli për eksperiencën në Eurovision, duke e konsideruar të paharrueshme.
“Është një eksperiencë e paharrueshme. Para se të dilja në skenë mami ishte në ankth dhe mbaj mend i kam thënë mamit mezi pres të dal në skenë.
Babit i pëlqeu me të thënë të drejtën. Këshillat që më dha ishin shijoje deri në fund. Dhe unë thash do e shijoj dhe do bëj më të mirën”, tregoi Anna.
“Mua më pëlqejnë që të gjitha këngët e babit. Më pëlqen “Kur të jesh mërzitur shumë”. E këndoja shpesh me babin e vogël. Bëjmë karaoke çdo ditë me mamin, ndërsa babi kur kthehet nga puna bashkohet me ne”-tregoi ajo.
Në lidhje me ngjashmëritë e saj me prindërit, Anila dhe Ardit Gjebrea, Anna shprehet se i ngjan mamit nga pamja, ndërsa babit në muzikë.
