Sot dhe nesër bllokohet qarkullimi për disa orë në aksin Qafë Thanë-Pogradec-Korçë.
Sot do të bllokohet trafiku në këtë aks nga ora 15:30-18:30. Ndërsa nesër nga 11:30-14:30.
Në këto dy ditë, Federata Shqiptare e Çiklizmit në bashkëpunim me Ministrinë e Arsimit dhe Sportit, Komitetin Olimpik Shqiptar do të zhvillojnë “Turin e 79-të Çiklistik të Shqipërisë”.
Policia e Shtetit kërkon mirëkuptimin e drejtuesve të mjeteve që të kufizojnë lëvizjet në itineraret dhe oraret e përcaktuara për këtë aktivitet.
Gjithashtu, do të ndalohet qarkullimi i mjeteve të tonazhit të rëndë dhe i autoveturave, me qëllim garantimin e sigurisë dhe lehtësimin e lëvizjes së çiklistëve gjatë këtij aktiviteti.
