Universiteti i Durrësit ka bërë homazhe ditën e sotme për vdekjen tragjike të dy vajzave dhe nënës së tyre në Fushë Arrëz nga shkarkesat elektrike. Me anë të një postimi, UAMD ka publikuar një foto të studentes 18-vjeçare Sidorela Kola ka bërë homazhe në Fakultetin e Biznesit, ku dhe Sidorela ishte studente.
Postimi i Universitetit:
Me hidhërim të thellë morëm vesh lajmin e ndarjes nga jeta të studentes sonë të shkëlqyer Sidorela Kola, motrës dhe nënës së saj. Kjo tragjedi e madhe ka tronditur shokët, pedagogët, mbarë komunitetin tonë universitar. Shprehim ngushëllimet më të sinqerta për familjen Kola dhe miqtë. Falenderoj Fakultetin e Biznesit për homazhet që po zhvillojnë për Sidorelën dhe iu bëj thirrje të gjithëve t’i bashkohen nismës së tyre për mbledhjen e kontributeve për familjen Kola. Mendjet e lutjet tona janë me ta! Prof. Dr. Kseanela Sotirofski Rektor
