Pjesëmarrja e Shqipërisë në “Eurovision 2022” në Torino u shoqërua me zhurmë të madhe mediatike në vendin tonë, por edhe jashtë.
Këngëtarja e cila përfaqësonte Shqipërinë, Ronela Hajati nuk arriti dot të kualifikohet për në finale.
Kjo u hapi shteg kritikëve, që rezervat i kishin që kur u shpall fituese e Festivalit të RTSH. Një ndër to ka qenë edhe kompozitorja Diana Ziu.
Kritikja e artit, e ftuar në “Expuls”, komentoi edhe debatin që ka pasur me Ardit Çunin.
“Ç’punë ka një vip Big’Brother’ të shkojë në Eurovision. Ai nuk e kishte parë Festivalin se ishte në Big Brother. Ishte vip dhe si vip shkoi na përfaqësoi ne ‘vipat’ këtu për të dhënë mendime. Vjen në një panel diskuton pa lidhje fare, nuk e ka statusin me mua dhe ikën nga paneli. Kjo është një dobësi.”- tha kritikja e artit.
