Policia italiane ka arrestuar autorin e vrasjes së 37-vjeçares Bunilda Hallës, e cila u vra me thikë në Itali. Ngjarja e rëndë ndodhi paraditen e djeshme në Vittoria, ku 37-vjeçarja humbi jetën pasi u godit disa herë me thikë nga një person.
Sot mediat italiane raportojnë se falë pamjeve të kamerave të sigurisë është bërë edhe identifikimi i autorit të krimit. Raportohet se i arrestuari është ish-bashkëshorti i viktimës. Sipas mediave italiane, edhe ai është shqiptar, por identiteti edne nuk është bërë me dije.
Ngjarja
Brunilda Halla 37 vjeç, një shqiptare që jetonte prej vitesh në Itali, është vrarë pas goditjes me thikë përpara shtëpisë së saj.
Ngjarja ndodhi të Mërkurën në zonën e Raguzës. 37-vjeçarja u godit me thikë nga një person. E plagosur, arriti të futej brenda shtëpisë së saj. Në vendngjarje mbërritën forcat e policisë dhe ambulanca, por fatkeqësisht nuk mundën të bënin asgjë për gruan shqiptare. Ajo ndërroi jetë sapo shkoi në spital për shkak të gjakderdhjes.
Gazetat lokale italiane raportojnë se ajo u godit me thikë përpara syze të djalit të saj 11-vjeçar, por hetuesit nuk e konfirmojnë një fakt të tillë.
Policia nisi menjëherë hetimet për këtë ngjarje dhe nga analizimi i kamerave të sigurisë identifikoi një person të dyshuar. Ky i fundit u arrestua në orët e para të mëngjesit të sotëm. Mediat italiane raportojnë se autori e ka pranuar krimin. Megjithatë motivet e vrasjes janë ende të paqarta.
Brunilda Halla ishte e martuar dhe nënë e dy fëmijëve.
