Policia ka arrestuar 6 persona të akuzuar si sekserë që merrnin para në këmbim të kolaudimit “fiktiv” të automjeteve.
Sipas njoftimit të policisë është finalizuar operacionin policor “Kolaudimi”, ku janë arrestuar 6 shtetas, sekuestruar 1 automjet mercedez benz si dhe disa dokumenta të automjeteve të cilat nuk i përkasin personave të ndaluar si dhe 10 telefona celularë të markave të ndryshme.
Të arrestuar
- Bashkim RRAPI, 47 vjeç, banues ne GjeçKodër, Bashkia Vorë.
- Agim BUDLLA, vjeç 45 ,banues në njesia Administrative Prezë, Bashkia Vorë. 3. Alban SALA, 42 vjeç banues në Tiranë.
- Fatmir RRAPI, 31 vjeç, banues ne GjeçKodër, Bashkia Vorë.
- Avni BUDLLA, 26 vjeç lindur ne Tirane dhe banues ne fshatin Ahmetaq, njesia Administrative Preze, Bashkia Vore – Tirane.
- Eduart BUDLLA,26 vjeç,lindur ne Tirane dhe banues ne fshatin Ahmetaq, njesia Administrative Preze, Bashkia Vorë – Tiranë.
Akuzat
Arrestimi i këtytre shtetasve u bë për veprën penale të “Ushtrimi i ndikimit të pa ligjshëm i kryer në bashkëpunim”, parashikuar nga neni 245/1 e 25 i K.Penal, pasi këta shtetas në bashkëpunim me njëri tjetrin dyshohen se kanë përfituar shuma të ndryshme nga qytetarët që varjonin nga 3.000 deri në 15.000 lekë të reja për kolaudimin e automjeteve të tyre pranë pikës kolaudimit Fushë – Prezë, Tiranë. “Nga ana jonë u sekuestruan në cilësinë e provës 1 automjet, konkretisht automjeti mercedez benz me targa AA 305 BO, si dhe disa dokumenta të automjeteve të cilat nuk i përkasin personave të ndaluar si dhe 10 telefona celularë të markave të ndryshme” njofton policia. Materialet proçeduriale iu kaluan Prokurorisë pranë Gjykatës së Shkallës së Parë Tiranë, në ngarkim të shtetasve të sipërpërmendur, për veprën penale “Ushtrimit i ndikimit të paligjshem ndaj personave që ushtrojnë fuksione publike i kryer në bashkëpunim”, parashikuar nga neni 245/1 e 25 i K.Penal.
