Presidenti i Francës, Emmanuel Macron i ka premtuar homologut të tij ukrainas, Volodymyr Zelensky, se do të mbështesë me armë Ukrainën dhe në ditët në vijim dërgesat do të intensifikohen.
Gjatë një komunikimi telefonik me Zelenskyn Macron u shpreh se Franca ishte e gatshme t’i përgjigjet kërkesave shtesë për ndihmë nga Ukraina.
Macron konfirmoi se dërgesat e armëve nga Franca do të “vazhdojnë dhe do të rriten me intensitet në ditët dhe javët në vijim, siç do të jetë edhe dërgimi i ndihmës humanitare”, thuhet në deklaratë.
Macron i tha gjithashtu Zelenskyt se aplikimi i Ukrainës për t’u anëtarësuar në BE do të diskutohet gjatë një sesioni të Këshillit Evropian në qershor.
Gjatë bisedës, e cila zgjati për një orë e 10 minuta, liderët diskutuan edhe evakuimet e uzinës Azovstal në Mariupol si dhe “sfida e sigurisë ushqimore dhe mënyrat e mundshme për të lejuar eksportet e drithërave ukrainase, të cilat një pjesë e madhe e bota varet nga ushqimi i saj”.
Zelenskiy më herët postoi në Tëitter se kishte një bisedë “të gjatë dhe kuptimplotë” me Macron.
