Një nënë shqiptare, në gjendje depresioni, plagosi dje me thikë djalin e saj 6-vjeç, ndërsa më pas kreu aktin e rëndë të vetëflijimit duke u hedhur nga kati i tetë i pallatit ku banonte. Ngjarja ndodhi në Torino të Italisë.
Ditën e djeshme u raportuar se Elida Zero, shqiptarja që për një muaj mbushte 35 vjeç e kreu aktin e rëndë pasi bashkëshorti i kishte kërkuar divorcin, ky i fundit ka sqaruar për mediat italiane, duke thënë se ai nuk ka pasur kurrë një grua tjetër, por këto gjëra i ishin fiksuar Elidës për shkak të depresionit nga i cili edhe po kurohej kohët e fundit.
Mediat italiane raportojnë se Dante Scrivano u dëgjua gjatë nga hetuesit lidhur me ngjarjen, për raportin me shqiptaren dhe me djalin dhe gjithçka tjetër që mund të çojë hetuesit te zbardhja e tragjedisë.
Sipas medieve lokale, ish bashkëshorti i Elidës, Scrivano ka treguar për problemet që kishin së bashku. “Nuk është ashtu si thonë mediat, unë nuk isha aty kur ndodhi, kisha zbritur poshtë të merrja një kafe dhe të blija cigare. Por ne nuk i kishim punët mirë. Ajo më thoshte sa herë se do vritem e do vras edhe djalin tonë, kështu nuk do na kesh më nëpër këmbë”.
Më tej ai deklaroi se: “Kam ndërruar 9 shtëpi për 2 vite e gjysmë, por ajo vijonte të më akuzonte se kisha lidhje të tjera, por kjo nuk është e vërtetë. Unë gjithmonë e kam ndihmuar, por arritëm deri tek ndarja për shkak të akuzave të saj, ishte kthyer në një adoleshente”.
Nga fqinjët vijnë konfirmime të tjera: “Shpesh ne e kishim dëgjuar atë të thoshte se nuk do duronte më: “Do hidhem, do të hidhem”.
Ndërkohë, gjendja e djalit të vogël mbetet shumë e rëndë. Mjekët thonë se ai i është nënshtruar ndërhyrjeve të shumta kirurgjikale.
“Djalit iu operua në të njëjtën kohë mushkëria, mëlçia dhe shpretka dhe më vonë iu rindërtua tendinat e gishtave të masakruara nga goditjet me thikë”- citohen mjekët nga mediat lokale.
Ngjarja e rëndë ndodhi ditën e djeshme në Torino të Italisë, në rrugën “Bologna”, në lagjen e populluar “Barriera di Milano”, kur shqiptarja Elida Zerro qëlloi me thikë të birin, Joel, duke e plagosur rëndë, ndërsa më pas u hodh nga kati i tetë.
Fillimisht u raportuar se Elida e ndërmori këtë akt ngaqë bashkëshorti i kërkoi divorcin. Por, më pas u zbulua se, ajo jetonte vetëm me të birin, pasi me të shoqin ishte ndarë prej kohësh dhe shkak kryesor kishte qenë depresioni nga i cili ajo kurohej prej kohësh./ Syri.net/
