Kreu i Partisë Republikane, Fatmir Mediu ka replikuar me Enkelejd Alibeajn në konferencën e kryetarëve ku u diskutua për zgjedhjen e Presidentit të ri.
Fatmir Mediu i është përgjigjur Enkelejd Alibeajt lidhur me deklaratat e tij për kulisa dhe marrëveshje të politikës 30-vjeçre. Ai tha se opozita 30 vjeçare e ka bërë krenare shumë shqiptarë dhe nuk mund të quhet historia 12 vjeçare e skutave.
“E kam shumë merak shkeljen e parimeve. Do ju them që PD dhe kjo opozitë 30 vjeçare që ka bërë krenar shumë shqiptarë dhe nuk mund të quhet historia 12 vjeçare e skutave. Ka pasur ditë të mira dhe të këqija, por përgjithësimi sikur politika po fillon sot për herë të parë nuk i shërben këtij procesi. Nëse nuk dimë historinë e shtëpisë tonë, nuk bëjmë dot historinë e një shtëpie të përbashkët prandaj është mirë të mos bëjmë përgjithësime. Nuk kam shqetësimin se çfarë do të bëjë Edi Rama dhe mazhoranca, por qëndrimi që ne ndërtojmë me kushtetutën dhe qytetarët shqiptarë. E djathta e këtij vendi brenda vetes së saj politikisht e ka të mundshme të tregojë që jemi serioz për një president mbi palët dhe bën kapërcim nga pikëpamja institucionale. Besoj se mund të diskutojmë me njëri-tjetrin për të arritur në këtë pikë. Nëse do të pres pafund, pse duhet të marrim pjesë në 3 raunde. Nuk kemi pse marrim pjesë në asnjë raund tjetër, nuk do bëjmë fasadë e plotësimit të kuorumit”, tha Mediu.
Ndërkohë nga Alibeaj nuk ka pasur kundërpërgjigje.
