Ukraina arriti mbrëmjen e djeshme që të fitonte vendin e parë në eurovizion, që do të thotë se eventi më i madh muzikonr i evropës do të mbahet aty vitin e ardhshëm. Por, teksa vendi është i shkatëruar dhe në luftë që nuk dihet kur do mbarojë, pyetja është, ku do të mbahet Eurovizioni vitin tjetër në Ukrainë?
Për presidentin Zelenski ai do të mbahet në Mariupol, një nga qytetet më të shkatërruara nga lufta. “Ne do të bëjmë çmos që Mariupoli i çliruar dhe i rindërtuar, të presë pjesëmarrësit e Eurovizionit”, tha Zelenski. Mariupoli ka muaj i rrethuar.
Qyteti është bombarduar gjatë dhe thuajse është totalisht i shkatërruar. Sipas OKB-së rrezikon një krizë të rëndë humanitare për shkak të mungesës së ushqimeve, ujit të pijshëm dhe spitaleve.
Një zonë që mori vëmendje ndërkombëtare është edhe uzina e ccelikut Azovstal. Aty strehohen dy regjimente ushtarakë. Regjimenti Azov dhe ai i Marinës strehohen në gjatësinë e tuneleve nëntokësore, teksa bën thirrje për të mos u braktisur pasi janë nën rrethimin e rusëve.
Qyteti ka një rëndësi të madhe strategjike për rusët, sepse është korridor lidhës për Republikat e vetëshpallura dhe Krimenë. Këtë javë rusët kanë bombarduar me bomba të fuqishme uzinën Azovstal, teksa qyteti është në grahmat e fundit.
Por për presidentin Ukrainas Zelensky, do të jetë Mariupoli që do të presë vitin tjetër pjesëmarrësit e Eurovizionit. Sipas rregullit, vendi fitues është edhe mikpritësi për vitin e ardhshëm. “Ukraina do të jetë mikpritëse e Eurovizionit vitin e ardhshëm. Për herë të tretë në historinë e saj, dhe nuk besoj për herë të fundit,” tha ai.
“Ne do të bëjmë çmos që Mariupoli i çliruar dhe i rindërtuar, të jetë mikpritësi një ditë”, tha presidenti Zelenski.
