Ndahet nga jeta ish-deputetja e PS dhe pedagogia Edlira Haxhiymeri. Lajmi është bërë me dije nga familjarët.
Haxhiymeri raportohet se vuante nga një sëmundje e rëndë.
Në një postim në rrjetet sociale, djali i ish-deputetes shkroi:
“Të dashur familjarë dhe miq, me pikëllim të madh ju njoftoj se nëna ime e shtrenjtë, Edlira Haxhiymeri, ndërroi jetë. Ju falenderoj për ndihmesën dhe mbështetjen që na keni dhënë gjatë më shumë se 5 viteve tejet të vështira ku luftuam me çdo mjet e mënyrë për të mposhtur sëmundjen e saj. Lamturia e fundit për Edën tonë të dashur është nesër në varrezat e Tufinës. Nisja e kortezhit është në ora 11:00 nga shtëpia funerale Alba 2000”.
Edlira Haxhiymeri ka qenë për disa ditë deputete e PS. Ajo ka mbrojtur gradën “Doktore e Shkencave dhe prej 30 vitesh ka qenë pedagoge në Fakultetin e Shkencave Sociale. Është autore dhe bashkëautore e disa teksteve universitare.
