Kreu i opozitës Lulzim Basha ka publikuar sot videon pa koment, ku Pashk Nika rrëfen sesi e humbi djalin e tij vetëm për një skaner që nuk iu bë në spital.
“Kush thotë “mjekësia falas”, – thotë Nika në video, – mjekësia falas është për Ilir Beqjen. Vdekja e djalit erdhi se nuk iu bë një skaner djalit për 4-5 muaj që ishte aty.”
Dhe duket se Nika ka marrë një vendim: të jetë në krye të protestës së 18 shkurtit në Tiranë: “Ta përmbysim këtë pushtim, – shprehet ai. – Ky popull është në një hall shumë të madh!”
Më poshtë, video e plotë e Pashk Nikës.
“Nga ora 9:30 e mëngjesit deri në orën 7.05 në darkë, djalin ma mbanin të vdekur në Tiranë e më thonin “tani po vjen mjeku!”.
Ende nuk kam marrë përgjigje nga mjekësia ligjore. Të gjitha ilaçet I kemi blerë. Kush thotë “mjekësia falas”, “mjekësia falas” është për Ilir Beqjen. Vdekja e djalit erdhi se nuk iu bë një skaner djalit që ishte aty.
“Ta përmbysim këtë pushtim. Ky popull është në një hall shumë të madh. Nuk ka asnjë arsim të rregullt, as shëndetësi të rregullt, as shërbime publike të rregullta. Asgjë të rregullt. Vuajtja është shumë e madhe për këta njerëz të pambrojtur. “
